ஏன் பகலிலும் bike light ஒளிர்கிறது? Why bike lights always switch on day and night?

தற்போது வீதிகளில் பயணம் செய்யும்போது பகலிலும் ஒளிரும்  இருசக்கர வாகன விளக்குகளையும்கண்டிருக்கலாம். அதனை கைகாட்டி அணைக்கும் படியும் (off)சொல்லியிருக்கலாம். ஆனாலும் அணைக்காமல் செல்கிறார்களே என்ற கேள்வி எழும்பியதா?
இதற்கு AHO bikes(automatic headlights on) அல்லது DRL  bikes (daytime running lamp) என அழைக்கப்படுகிறது.
தற்போது பகல் நேரங்களிலும் ஒளிரும் விதமாக புதிய வருகை இருசக்கர வாகனங்களை அமைத்துள்ளனர். ஏனெனில் உருவத்தில் சிறியனவாகவும் இருக்கும் இருசக்கர வாகனங்கள் நெளிவு சுழிவுகளில் புகுந்து சென்று இன்றைய டிராபிக் பிரச்சனைகளை சமாளிப்பதற்கு ஏற்றப்படி உள்ளது.
இதன் தீமைகளில் ஒன்று அதிக விபத்தும் உயிர் ஆபத்துகளும். எப்படி தலைக்கவசம்(helmet) கட்டாயமோ அதன்படி பகல் விளக்குகளும் எதிர்வரும் காலங்களில் கட்டாயமாக்க படலாம்.
தூரத்தில் வரும் இரு சக்கர வாகனங்களில் பகல் நேரங்களிலும் விளக்குகள் ஒளிர்வதால் அது ஒரு எச்சரிக்கையாக இருக்கும். மேலும் விபத்துக்கள் குறையும் வாய்ப்புகள் இருப்பதாகவும் ஆராய்ச்சிகளில் நிரூபிக்கப்பட்டுள்ளது. இந்த விளக்குகளின் நன்மைகள் என்ன வென்றால் சிறிய வாகனங்களை தூரத்திலிருந்து காணமுடியும். மேலும் மழை நேரங்கள், பனிமூட்டம் ஆன நேரங்கள், பொழுது புலரும் நேரங்கள் பொழுது சாயும் நேரங்களில் விளக்குகள் ஒளிரும் போது இருசக்கர வாகனங்களை இலகுவாக அவதானிக்க முடியும். இதனால் விபத்துக்கள் குறையும்.
இதன் பேட்டரிகள் பகலிலும் ஒளிர்வதற்கு வசதியாக வடிவமைக்கப்பட்டுள்ளதால் பேட்டரி காலியாகிவிடும் என்ற பயமும் வேண்டாம். இந்த வகை பைக்குகளில் headlights on off switch கிடையாது. Bright dim பட்டன்களே உள்ளன.
கடந்தவருடம் 2017ஆம் ஆண்டு இருசக்கர வாகனங்களினால் இலங்கையில் இறந்தவர்களின் எண்ணிக்கை 1269 ஆகும். மற்ற வாகனங்களை விட இது பல மடங்கு அதிகம். எனவே எப்படியோ விபத்து குறைந்தால் சரியே..
புதிதாக கிரிக்கெட்டில் ஸ்டம்ப்(stump) செய்யப்படும்போது ஆட்டம் இழந்ததை உன்னிப்பாக கவனிக்க விளக்கு எரியும் படி(lights on) அமைக்கப்பட்டதே அதுவும் இந்தத் தொழில்நுட்பத்தினால் கண்டுபிடிக்கப்பட்டதாக இருக்குமோ...?